ईटहरी/ सुनसरीको ईटहरी उप–महानगरपालिका–१३ सोमबारेमा लागू औषध कारोबार भइरहेको विशेष सूचना पाएपछि कोशी प्रदेश लागू औषध ब्युरो विराटनगर र प्रहरी चौकी खनारको संयुक्त टोलीले लागू औषधसहित दुई युवालाई पक्राउ गरेको छ।
१७:४० बजे गणेश पेट्रोल पम्प अगाडिबाट २ वटा बोरा राखेर बसिरहेका आकाश पटेल र रवि सरदार लाई प्रहरीले नियन्त्रणमा लिएर चेकजाँच गरेको थियो।
जाँचका क्रममा उनीहरूको बोरा खोल्दा प्याक गरिएको अवस्थामा २५ किलो (पच्चिस किलो) गाँजा फेला परेको प्रहरीले जनाएको छ।
दुवैलाई गाँजासहित नियन्त्रणमा लिएर इलाका प्रहरी कार्यालय ईटहरीमा बुझाइएको छ।
उनीहरू कहाँबाट गाँजा ल्याइएका हुन् र कसलाई पुर्याउन लागिएको थियो भन्नेबारे प्रहरीले थप अनुसन्धान अगाडि बढाइरहेको छ।
