_1693980289.gif "#")
विराटनगर/ कवि नेत्र खतिवडाको मुक्तक सङ्ग्रह ‘ढुङ्गो फुलेपछि’ विराटनगरमा एक विशेष समारोहका बीच लोकार्पण गरिएको छ।
प्राज्ञ विवस पोखरेलले लोकार्पण गरेका उक्त कृति कवि खतिवडाको जीवनदर्शन र संवेदनशील मनोभावनाको समिश्रण भएको बताइएको छ। कार्यक्रममा नेपाल मुक्तक प्रतिष्ठान कोशी प्रदेश अध्यक्ष बाबुराम पोखरेलको अध्यक्षता रहेको थियो।
कार्यक्रममा कवि बलराम पोखरेल, कविराज न्यौपाने, सरला चापागाई, भुषण ढुङ्गेल, उमेश लुईटेल, सुरेन्द्र कुमार साह, प्रयाग न्यौपानेलगायत साहित्यप्रेमीहरूको उल्लेखनीय उपस्थिति थियो।
कृति लोकार्पणपछि बोल्दै कवि खतिवडाले भने, “ढुङ्गो फुलेपछि जीवनका कठोर क्षणहरूभित्र पनि सुन्दर भावना फुल्न सक्छन् भन्ने सन्देश यस मुक्तक सङ्ग्रहमार्फत दिने प्रयास गरेको छु।”
साहित्यप्रेमीहरूले उक्त कृतिलाई नेपाली मुक्तक विधामा नयाँ दृष्टिकोण प्रस्तुत गर्ने प्रयासका रूपमा प्रशंसा गरेका छन्।
