विराटनगर/ कोशी प्रदेश प्रहरी कार्यालय विराटनगरको सुरक्षा सुनिश्चितता अभियान अन्तर्गत प्रहरीले धनकुटा र भोजपुरका विभिन्न स्थानमा अवैध रूपमा लगाइएका तथा प्राकृतिक रूपमा उम्रिएका गाँजाका बोट फडानी गरी नष्ट गरेको छ।
अभियान अन्तर्गत कार्तिक १८ गते धनकुटाको इलाका प्रहरी कार्यालय छिन्ताङबाट खटिएको प्रहरी टोलीले शहीदभूमि गाउँपालिका–२ का विभिन्न क्षेत्रमा फैलिएको करिब ५ रोपनी जमिनमा उम्रिएका ९ हजार ५ सय वटा गाँजाका बोट फडानी गरी आगो लगाएर नष्ट गरेको जनाएको छ।
त्यसैगरी, भोजपुरको इलाका प्रहरी कार्यालय घोडेटार र मातहत प्रहरी कार्यालयहरूबाट खटिएको प्रहरी टोलीले हतुवागढी गाउँपालिकाका विभिन्न पाखा–बारीमा अवैध रूपमा लगाइएका तथा आफैं उम्रिएका १ हजार १ सयभन्दा बढी गाँजाका बोट फडानी गरी जलाई नष्ट गरेको छ।
प्रहरीका अनुसार कोशी प्रदेशभर नै अवैध गाँजा खेती नियन्त्रण गर्ने लक्ष्यसहित अभियानलाई निरन्तरता दिइएको छ।
