_1693980289.gif "#")
धरान/ वालाहाङ सुनाहाङ किरात राई उत्थान समाज केन्द्रीय समिति, हतुवागढी भोजपुरले उत्कृष्ट आन्तरिक बचत कारोवार गर्ने तीन सदस्यलाई विशेष सम्मान गरेको छ।
शनिबार धरानस्थित क्षेत्रीय कार्यालयमा आयोजित संस्थाको १०औं साधारण सभाको अवसरमा समाजले नेत्रप्रसाद वालाहाङ राई (बराहक्षेत्र–१, झण्डाचोक), भानुभक्त वालाहाङ राई (इटहरी–१९) र देवीमाया राई (बराहक्षेत्र–१, लालवस्ति) लाई नगदसहित सम्मानपत्र प्रदान गरेको हो।
समाजका सचिव कृपालसिंह वालाहाङ राईका अनुसार आन्तरिक बचत तथा कारोवारमा उत्कृष्ट योगदान पुर्याउने सदस्यलाई प्रोत्साहनस्वरूप जनही पाँच हजार रुपैयाँ नगद र सम्मानपत्र प्रदान गरिएको हो।
“उत्कृष्ट कार्य गर्ने सदस्यलाई सम्मान गर्दै अरुलाई पनि प्रेरित गर्ने उद्देश्यले यो कार्यक्रम गरिएको हो,” सचिव राईले बताए।
समाजको केन्द्रीय कार्यालय भोजपुरमा भए पनि सबैलाई सहज होस् भनेर साधारण सभा धरानमा आयोजना गरिएको थियो।
कार्यक्रम शेरबहादुर वालाहाङ राईको सभापतित्वमा सम्पन्न भएको थियो भने प्रमुख अतिथि मानबहादुर खाम्लुङ रहेका थिए।
