फाईल तस्बिर
सुनसरी/सुनसरीको कोशी गाउँपालिका–१ केराबारीस्थित उत्तर–दक्षिण भन्सार जाने बाटोमा प्रहरीले बेवारिसे अवस्थामा राखिएको मोटरसाइकल र कुखुरा बरामद गरेको छ ।
इलाका प्रहरी कार्यालय लौकहीका प्रहरी नायब निरीक्षक अशोक कोईरालाको कमाण्डमा खटिएको गस्ती टोलीले बुधबार बिहान करिब ८:४५ बजे को ३९ प १५६५ नम्बरको मोटरसाइकलमा २६ वटा (करीब ५० किलो तौलका) बोईलर कुखुरा फेला पारेको प्रहरीले जनाएको छ ।
प्रहरीका अनुसार उक्त मोटरसाइकल र कुखुराहरू कसको हुन् भन्ने विषयमा अनुसन्धान भइरहेको छ ।
बरामद सामग्री र सवारीसाधन हाल इलाका प्रहरी कार्यालय लौकहीको नियन्त्रणमा राखिएको र आवश्यक अनुसन्धान अघि बढाइएको प्रहरीले जनाएको छ ।
घटनास्थल इलाका प्रहरी कार्यालय लौकहीबाट करिब एक किलोमिटर पूर्वदक्षिणतर्फ पर्ने बताइएको छ ।
