-साङ्केतिक तस्बिर
इटहरी/ सुनसरीको इटहरी उप–महानगरपालिका–९ स्थित साथी पेट्रोलपम्प नजिक कोशी लोकमार्गमा बुधबार साँझ भएको सवारी दुर्घटनामा एक जनाको मृत्यु भएको छ।
इटहरीबाट विराटनगरतर्फ जाँदै गरेको को २ च ८६३ नम्बरको स्कारपियोले बाटो क्रस गर्दै गरेका पैदल यात्रीलाई ठक्कर दिएको प्रहरीले जनाएको छ।
ठक्करबाट मोरङ बिराटनगर–१२ घर भएका ४० वर्षीय अच्युतप्रसाद बराल गम्भीर घाइते भएका थिए।
घाइते बराललाई प्रारम्भिक उपचारका लागि इटहरी अस्पताल लगिएको र त्यहाँबाट थप उपचारका लागि बीपी कोइराला स्वास्थ्य विज्ञान प्रतिष्ठान, धरान पठाइएको थियो।
उपचारको क्रममा राति करिब ८:५० बजे उनको मृत्यु भएको प्रहरीले पुष्टि गरेको छ।
स्कारपियो चालक सुन्दरहरैंचा नगरपालिका–८ का २२ वर्षीय संजय सग्रौलालाई इलाका प्रहरी कार्यालय इटहरीले नियन्त्रणमा लिएको छ।
दुर्घटनास्थलमा सशस्त्र प्रहरी बिट गौसारका प्रमुख हिरालाल यादवको कमान्डमा टोली खटिएको थियो।
प्रहरीले घटनाबारे थप अनुसन्धान भइरहेको जनाएको छ।
