_1693980289.gif "#")
सुनसरी/ धरान उपमहानगरपालिका–१७ का ३८ वर्षीय सन्तोष बस्नेत ईनरुवामा लागूऔषधसहित पक्राउ परेका छन् ।
बुधबार बिहान करिब ९:३० बजे विशेष सूचनाको आधारमा जिल्ला प्रहरी कार्यालय सुनसरीबाट खटिएको टोलीले ईनरुवा नगरपालिका–४ बसचोक नजिक जाँच गर्ने क्रममा बस्नेतलाई नियन्त्रणमा लिएको हो ।
लौकहीबाट ईनरुवातर्फ आउँदै गरेका बस्नेत सवार को ३२ प ५३६७ नम्बरको मोटरसाइकल रोकि खानतलासी गर्दा उनको साथबाट ब्राउनसुगर १२.७० ग्राम लागूऔषध बरामद गरिएको प्रहरीले जनाएको छ ।
बरामद लागूऔषध र मोटरसाइकलसहित बस्नेतलाई नियन्त्रणमा लिएर जिल्ला प्रहरी कार्यालय सुनसरीमा थप अनुसन्धान भइरहेको प्रहरीले जानकारी दिएको छ ।
लागूऔषध नियन्त्रण अभियान अन्तर्गत प्रहरीले पछिल्ला दिनमा कडाइका साथ चेकजाँच कार्य तीव्र पारेको छ ।
