_1693980289.gif "#")
धरान/धनकुटाबाट धरानतर्फ सब्जी लिएर आउँदै गरेको मिनी ट्रक दुर्घटनामा एक जनाको मृत्यु भएको छ ।
सोमबार बिहान कोशी लोकमार्गअन्तर्गत साँगुरीगढी गाउँपालिका–९ पाँचगोलाइमा भएको दुर्घटनामा ट्रकका सहचालक २६ वर्षीय नारायण खड्का (उदयपुरगढी–९)को मृत्यु भएको प्रहरीले जनाएको छ ।
प्र–३–०१–००३ क ६९०६ नम्बरको मिनी ट्रक अनियन्त्रित भई करिब ३०० मिटर तल खस्दा सहचालकको घटनास्थलमै मृत्यु भएको थियो ।
चालक १९ वर्षीय दिनेश क्षेत्री गम्भीर घाइते भएका छन् र उनको जिल्ला अस्पताल धनकुटामा उपचार भइरहेको प्रहरीले जनाएको छ ।
सशस्त्र प्रहरीका सह–प्रवक्ता डीएसपी शैलेन्द्र थापाका अनुसार ट्रकको ब्रेक फेल भई सडकबाट खसेको प्रारम्भिक अनुसन्धानमा खुल्न आएको छ ।
दुर्घटनाबारे थप अनुसन्धान भइरहेको प्रहरीले जनाएको छ ।
