_1693980289.gif "#")
धरान/जिल्ला प्रहरी कार्यालय सुनसरीका प्रमुखको आधिकारिक ह्वाट्सएप नम्बर ९८५२०८५५५५ शुक्रबार राति ह्याक गरिएको छ।
अन्वेषण योजना तथा विकास शाखाका अनुसार, राति करिब ८:४५ बजे अकाउन्ट नियन्त्रणबाहिर पुगेपछि उक्त नम्बरबाट विभिन्न व्यक्तिहरूलाई रकम माग्ने र अनावश्यक सन्देश पठाउने कार्य सुरु भएको हो।
जिल्ला प्रहरी कार्यालयका प्रवक्ता डीएसपी योगराज खतिवडाले ह्याक भएको नम्बरबाट पठाइएका सन्देशहरूमा कसैले पनि विश्वास नगर्न आग्रह गरेका छन्।
उनले भने,
“उक्त नम्बरबाट रकम माग्ने वा कुनै अनुरोध आउने सन्देशमा प्रतिक्रिया नदिनुहोस्। ठगहरूले गलत उद्देश्यले प्रयोग गरिरहेका छन्।”
प्रहरीले ह्याकिङसँग सम्बन्धित कुनै पनि शङ्कास्पद सन्देश वा गतिविधि देखिए तुरुन्त प्रहरीलाई जानकारी दिन आग्रह गरेको छ।
थप विवरणका लागि जिल्ला प्रहरी कार्यालय सुनसरीका प्रवक्ता डीएसपी योगराज खतिवडा (मो.नं. ९८५२०५४७२८०) सँग सम्पर्क गर्न सकिने प्रहरीले जनाएको छ।
