_1693980289.gif "#")
सुनसरी/तिहार नजिकिँदै गर्दा अवैध रूपमा भित्र्याइएका पटकाहरु (आतसबाजी सामग्री) सहित दुई लाख साठी हजार रुपैयाँ बराबरका सामान प्रहरीद्वारा बरामद गरिएको छ।
विशेष सूचनाका आधारमा मिति २०८२ असोज २१, २२ र २३ गते जिल्ला प्रहरी कार्यालय सुनसरी र त्यसअन्तर्गतका प्रहरी टोलीले विभिन्न स्थानमा सघन चेकजाँच सञ्चालन गरेको थियो।
सो क्रममा लुकाइछिपाइ राखिएका विभिन्न प्रकारका पटकाहरु फेला पारी कानुनी प्रकृया अनुसार बरामद गरिएको प्रहरी स्रोतले जनाएको छ।
बरामद गरिएका सामानको प्रारम्भिक मूल्यांकन अनुसार कुल रकम अन्दाजी दुई लाख साठी हजार रुपैयाँ बराबर हुने प्रहरी कार्यालयले जनाएको छ।
बरामद सामग्री हाल जिल्ला प्रहरी कार्यालय सुनसरीमा राखी थप अनुसन्धान तथा कानुनी कारबाही अघि बढाइएको बताइएको छ।
प्रहरीले तिहारका बेला अवैध आतसबाजी र पटका प्रयोग नगर्न सर्वसाधारणलाई आग्रह गरेको छ।
यस्ता वस्तुहरूले जनधनको क्षति र दुर्घटना हुने सम्भावना भएकाले प्रहरी सशक्त अनुगमनमा रहेको पनि जनाइएको छ।
