-फाइल तस्बिर
धरान/ सुनसरीको धरान उपमहानगरपालिका–६ सेहरा खोलामा प्रहरीले लागूऔषधसहित दुई युवकलाई पक्राउ गरेको छ।
मंगलबार सांझ विशेष सूचनाका आधारमा प्रहरी चौकी पानबारीबाट खटिएको टोलीले को २७ प १६२ नम्बरको मोटरसाइकललाई शीतलचोकतर्फ आउँदै गर्दा रोकी जाँच गर्दा लागूऔषधस ट्याब्लेट फेला परेको प्रहरीले जनाएको छ।
मोटरसाइकल चालक धरान ०६ का ३२ वर्षीय शीर्षक राई र पछाडि सवार २९ वर्षीय ओमबहादुर भुजेललाई खानतलासी गर्दा भुजेलको आर्मी कलरको झोलाभित्र लुकाइ ल्याइएका ४४० क्याप्सुल ट्रामाडोल र ४४० ट्याब्लेट डिकोलिक बरामद गरिएको प्रहरीले जनाएको छ।
बरामद लागूऔषधसहित उनीहरूलाई नियन्त्रणमा लिएर इलाका प्रहरी कार्यालय धरानमा बुझाइ थप अनुसन्धान भइरहेको प्रहरीले जानकारी दिएको छ।
