_1693980289.gif "#")
भोजपुर/ कोशी प्रदेश प्रहरी कार्यालय विराटनगरको सुरक्षा सुनिश्चितता अभियान अन्तर्गत भोजपुरमा करिब ८ हजार गाँजाका बोट तथा बेर्ना नष्ट गरिएको छ।
प्रहरीले डाँडा–पाखामा अबैध रुपमा लगाइएका तथा प्राकृतिक रुपमा आफैं उम्रिएका गाँजाका बोट फडानी गर्ने क्रममा, यस साता मात्र हतुवागढी र आमचोक गाउँपालिकाका विभिन्न वडामा करिब ४३ रोपनी क्षेत्रफलमा फैलिएका ४ हजार २ सय बोट र ३ हजार ८ सय बेर्ना नष्ट गरेको हो।
यो अभियानमा इलाका प्रहरी कार्यालय घोडेटार, बोयाङ, प्रहरी चौकी हसनपुर तथा अस्थायी प्रहरी चौकी दुम्मानाबाट खटिएका प्रहरी टोली संलग्न थिए।
जिल्ला प्रहरी कार्यालय भोजपुरका अनुसार, अवैध लागुऔषध नियन्त्रणका लागि डाँडा–पाखामा उम्रिने गाँजालाई निरन्तर फडानी गर्ने कार्य जारी राखिएको छ।
