_1693980289.gif "#")
धनकुटा/ नेपाल कम्युनिष्ट पार्टी (माओवादी केन्द्र) निकट अखिल नेपाल महिला संगठन (क्रान्तिकारी) को महालक्ष्मी नगर कमिटी गठन गरिएको छ।
महालक्ष्मी नगरपालिका–७, जीतपुरमा शनिबार आयोजित कार्यक्रममा टंकी गुरुङको अध्यक्षतामा नगर कमिटी सर्वसम्मत गठन भएको हो।
कार्यक्रममा माओवादी केन्द्र जिल्ला समन्वय समिति अध्यक्ष क. कुसुम श्रेष्ठ प्रमुख अतिथि रहेका थिए। त्यस्तै अनेम संघ (क्रान्तिकारी) धनकुटा जिल्ला अध्यक्ष क. गिता गुरुङ खेवा र अनेम संघ (क्रान्तिकारी) प्रदेश सदस्य क. सानु कार्की बस्नेतको विशेष आतिथ्य रहेको थियो।
कार्यक्रममा ४० भन्दा बढी अनेम संघ समर्थक महिलाको उपस्थिति रहेको आयोजकले जानकारी दिएको छ।
प्रमुख अतिथि श्रेष्ठले राजनीतिक क्षेत्रमा महिलाको सहभागिता अझै न्यून भएको बताउँदै राज्यका सबै तहमा महिलाको सक्रिय उपस्थिति आजको आवश्यकता भएको धारणा राखे।
उनले महिलाका हक अधिकार संविधानमै प्रत्याभूत भएको र समावेशिताको नारा जनयुद्धकै उपलब्धि भएकाले ती मुद्दा जनतासम्म पुर्याउनुपर्ने आवश्यकता औंल्याए।
यस्तै, माओवादी केन्द्र महालक्ष्मी नगरसमिति उपाध्यक्ष समेत रहेकी अनेम संघ (क्रान्तिकारी) कोशी प्रदेश सदस्य क. सानु कार्की बस्नेतले महिलाका हकहितमा माओवादीको योगदान ऐतिहासिक भएको भन्दै संगठनलाई अझ सशक्त बनाउन सबै महिलाले सक्रिय भुमिका खेल्नुपर्ने बताइन्।
अखिल नेपाल महिला संगठन (क्रान्तिकारी) माओवादी केन्द्रको जनवर्गीय संगठन हो। संगठनको सातौँ राष्ट्रिय अधिवेशन आगामी भाद्र १८ देखि २० गतेसम्म काठमाडौंमा हुने तयारी भएको छ।
