सुनसरी/ सुनसरीको बर्जु गाउँपालिका–४ स्थित धान खेतबाट प्रहरीले ७५ किलो गाँजा बरामद गरेको छ।
शुक्रबार (भदौ १३) साँझ ६ः२० बजे विशेष सूचनाका आधारमा इलाका प्रहरी कार्यालय सितागञ्ज र कोशी प्रदेश प्रहरी कार्यालय विराटनगरबाट संयुक्त रूपमा खटिएको टोलीले शान्तिवन चोकदेखि करिब १०० मिटर पूर्वतर्फको कच्ची सडक छेउमा दुई बोरा गाँजा फेला पारेको हो।
धान खेतमा पानीले भिजेको अवस्थामा भेटिएको गाँजाको तौल करिब ७५ किलो रहेको प्रहरीले जनाएको छ। बरामद गरिएको गाँजालाई आवश्यक कानूनी प्रक्रिया पूरा गरी इलाका प्रहरी कार्यालय दुहबीमा ल्याइएको छ। सो घटनाबारे थप अनुसन्धान भइरहेको जिल्ला
