धरान । सेउती खोलाको पारी धरान–४ लाई खोला वारी धरान–१४ र धरान बजारसँग जोड्ने झोलुङ्गे पुलको पूर्वी भाग पहिरोका कारण क्षतिग्रस्त भएको छ।
साउन २९ र ३० गतेको अविरल वर्षापछि आएको बाढी र पहिरोका कारण पुल प्रभावित बनेको हो।
साेमबार क्षतिग्रस्त स्थलको निरीक्षण तथा स्थानीय भेटघाट कार्यक्रम भएको छ।
धरान–१४ को यायोखा टोल र धरान–४ को किरात बस्तीका स्थानीयसँग भएको कार्यक्रममा कोशी प्रदेश सभा सदस्य रमेश बस्नेत, वडा सदस्य राजन चाम्लिङ, नेकपा (एमाले) कोशी प्रदेश सदस्य तथा धरान सचिव राजेन्द्र राईलगायतको उपस्थिती रहेको थियो।
निरीक्षणका क्रममा स्थानीयले पुल तत्काल मर्मत गरी आवत–जावत सुरक्षित बनाउन सरोकारवालालाई आग्रह गरेका छन्।
