सुनसरीबाट ठूलो परिमाणको ब्राउन सुगरसहित चार जना पक्राउ

ईनरुवा/सुनसरी प्रहरीले ठूलो मात्रामा लागूऔषध ब्राउन सुगरसहित चार जनालाई पक्राउ गरेको छ।

शुक्रबार साँझ करिब ६:४५ बजे विशेष सूचनाको आधारमा अस्थायी प्रहरी पोष्ट बसपार्क ईनरुवा र जिल्ला प्रहरी कार्यालय सुनसरीको संयुक्त टोलीले चिरौलिचोकतर्फबाट बसपार्क आउँदै गरेका व्यक्तिहरूमाथि चेकजाँच गर्दा उनीहरूको साथबाट ब्राउन सुगर प्रतिबन्धित पदार्थ बरामद भएको हो।

• प्रहरीका अनुसार पक्राउ परेका व्यक्तिहरूमा—

• रोशन खड्का (३७), मोरङ सुन्दरहरैचा-६ : २.०३ ग्राम

• लालबहादुर बि.क. (३२), स्थायी ठेगाना नखुलेको : ०.३९ ग्राम

• कुमार बिडारी (३१), धादिङ थाक्रे-१० : ८.०० ग्राम

• राम आछामे (३३), दोलखा मेलुङ्ग-२ : ३.९३ ग्राम

उनीहरूको साथबाट जम्मा १४.३५ ग्राम (१४ ग्राम ३५० मिलिग्राम) ब्राउन सुगर बरामद गरिएको प्रहरीले जनाएको छ।

बरामदसँगै पक्राउ परेका सबैलाई आवश्यक कारबाही तथा थप अनुसन्धानका लागि जिल्ला प्रहरी कार्यालय सुनसरीमा ल्याइएको छ।