_1693980289.gif "#")
वराहक्षेत्र/वराहक्षेत्र नगरपालिका वडा नं १ खारखोलाका नेपाली कांग्रेसका प्रदेश पार्षद् समेत रहेका युवा नेता सन्तोष श्रेष्ठले वराहक्षेत्र मन्दिर क्षेत्रमा रहेका असाय , सन्यासी र जोगिहरुलाई सहयोग गरेर आफ्नो जन्म दिन मनाएका छन् ।
बिहिवार साउन २९ गते आफ्नो ३७ औँ जन्मदिनको अवसरमा संन्तोषले वराहक्षेत्र- १ वराहक्षेत्र मन्दिर परिसरमा रहेका करिव ३० जना असाय , सन्यासी र जोगिहरुलाई खाद्यन , रकम र कपडा प्रदान गरेका थिए ।
जन्मदिनमा हुने खर्चलाई सामाजिक कार्यमा लगाएको श्रेष्ठले बताए । शशक्त, असाय भएका परिवारलाई आफ्नो जन्म दिनको अवशरमा सहयोग गर्न पाउँदा आफुलाई खुशी लागेको उनी बताउछन् ।
संन्तोषले विगतका जन्मदिनको अवसरमा बाटोको किनारामा वृक्षारोपण, साधुहरूलाई भोजन गराउने, चोकमा सुरक्षित यात्राकालागि बोर्ड, सिसी क्यामरा लगाएर जडान , मठ, मन्दिर रङगोगन , सडक मर्मत , असाय , अशक्त मानिसहरुलाई सहयोग गर्दै गरेका थिए ।
जन्मदिनको अवसरमा उदाहरणीय कार्य गर्दै आएका श्रेष्ठ नेपाली कांग्रेसका सुनसरी क्षेत्र नं १ प्रदेश सभा २ का सदस्य प्रदेश पार्षद्सँगै वराहक्षेत्र खेलकुद विकास समितिका सदस्य, खारखोला फुटबल क्लबका अध्यक्ष समेत हुन् ।
