_1693980289.gif "#")
धरान/नेपाली महिलाहरुको हरितालिका तीज पर्वलाई गीत–संगीत र नृत्यमार्फत रंगीन बनाउने परम्परालाई निरन्तरता दिँदै गायिका सरस्वती रिमाल भट्टराईको स्वरमा नयाँ तीज गीत ‘आयो नि तिज है आयो’ सार्वजनिक भएको छ।
शब्द राम प्रसाद लुईटेलको, संगीत बिगत राईको र अडियो पुर्णञ्चल रेकर्डिङ स्टुडियो, इटहरीमा रेकर्ड गरिएको यस गीतले तीजको उल्लास, भक्ति र बहिनी–दिदीको भेटघाटको खुसीलाई कलात्मक ढंगले उतारेको छ।
नृत्य निर्देशन रोसन बान्तवा राईको छ भने क्यामेरा र सम्पादन रोसन भट्टराईले गरेका छन्। पोष्ट प्रोडक्सन अनामिका डिजिटलमार्फत सम्पन्न भएको हो।
गीतमा रातो–हरियो गहना र पहिरनमा सजिएका दिदीबहिनीहरुको सामूहिक नृत्य, झुम्काको झनझनाहट र गाउँघरको उत्सवमय वातावरण देख्न सकिन्छ। यसले तीजलाई मात्र होइन, नेपाली संस्कृतिको सौन्दर्यलाई समेत उजागर गरेको छ।
