_1693980289.gif "#")
धरान/ लागू औषधको कारोबार नियन्त्रण अभियान अन्तर्गत सुनसरी प्रहरीले विशेष सूचनाको आधारमा दुई युवालाई ब्राउन सुगरसहित पक्राउ गरेको छ।
मंगलबार साँझ सुनसरीको ईनरुवा नगरपालिका–४ बसचोकस्थित चिरौलिचोकबाट ईनरुवा तर्फ पैदल आउँदै गरेका दुई युवाको साथबाट लागू औषध फेला परेको हो। अस्थायी प्रहरी पोष्ट बसपार्क ईनरुवाबाट खटिएको प्रहरी टोलीले चेकजाँच तथा खानतलासीको क्रममा लागू औषध ब्राउन सुगर बरामद गरेको जिल्ला प्रहरी कार्यालय सुनसरीले जनाएको छ।
पक्राउ पर्नेमा मोरङ, सुन्दरहरैचा नगरपालिका–६ का २४ वर्षीय कुमार राई र सुनसरी, ईटहरी उपमहानगरपालिका–१७ का करिब २९ वर्षीय सोबित तामाङ रहेका छन्।
कुमार राईको साथबाट ३.०२ ग्राम (तीन ग्राम बीस मिलिग्राम) र सोबित तामाङको साथबाट १.७४ ग्राम (एक ग्राम सात सय चालिस मिलिग्राम) ब्राउन सुगर जस्तो देखिने लागू औषध फेला परेको प्रहरीले जनाएको छ।
हाल दुवै जनालाई लागू औषधसहित नियन्त्रणमा लिइ जिल्ला प्रहरी कार्यालय सुनसरीमा राखी थप अनुसन्धान भइरहेको प्रहरीले जनाएको छ। लागू औषध सम्बन्धी कसूरमा आवश्यक कानुनी प्रक्रिया अघि बढाइनेछ।
