धरान । भोजपुरको आमचोकमा चटयाङ लागेर गंभीर घाइते भएका परिवारजनलाई आइतबार आमचौक सरोकार समाज सुनसरीले आर्थिक रकम सहयोग हस्तान्तरण गरेको छ ।
आमचौक ३ निवासी ४० बर्षिय भरत राई ,श्रीमती देविका र छोरी सुरक्षा तीनै जनालाई चटयाङ लागेर गंभीर घाइते बनाएको थियो । वीपी कोइराला स्वास्थ्य विज्ञान प्रतिष्ठान धरानमा उपचार गर्नको लागि आमचोकवासीसँग सरोकार राख्ने आमचोैक सरोकार समाज सुनसरीले पीडितको लागि आर्थिक सहयोग संकलन अभियान सन्चालन गरेको थियो । समाजका अध्यक्ष राजेन्द्र राईका अनुसार आइतबार चटयाङ पीडितलाई संकलित रकम हस्तान्तरण गरिएको बताए ।
उनका अनुसार संकलित रकम मध्ये ३ लाख ६० हजार रुपैया प्रदान गरिएको छ । ४ लाख २० हजार रकम मध्ये उक्त रकमद्धारा नै ३५ हजार क्यान्सर पीडितलाई सहयोग र एम्वुलेन्स खरीदका लागि २५ हजार रुपैंया विरामीको सहमतिमा प्रदान गरि बाँकी रकम हस्तान्तरण गरिएको अध्यक्ष राईले बताए । समाजले चट्याङ लागेर आर्थिक उपचार गर्न कठिनाई भएर जीवन र मरण दोसाधमा रहेका परिवार जनको लागि आर्थिक सहयोग गर्नु हुने सम्पुर्ण सहयोगीहरुलाई धन्यवाद सहित आभार समेत प्रकट गरेको छ ।
आम चौक सरोकार समाजले चाँडै स्वास्थ्य सेवा थप सहज बनाएर विरामीको पहुँच पुर्याउनको लागि एम्वुलेन्स पनि खरिद गर्न अभियान सन्चालन गरेको छ ।
