धरान/ धरान उपमहानगरपालिकामा कोशी नदीको पानी ल्याउने योजना कार्यान्वयनका लागि संघीय सरकारले चालू आर्थिक वर्षको बजेटमा ४ करोड रुपैयाँ विनियोजन गरेको छ।
मेयर हर्क साम्पाङले लामो समयदेखि कोशीको पानी धरानमा ल्याउनका लागि पहल गर्दै आएका थिए। केही महिनाअघि उनी रित्तो गाग्री बोकेर काठमाडौँ पुगेका थिए र सिंहदरबारमा सम्बन्धित मन्त्री तथा अधिकारीहरूलाई भेटेर माग राखेका थिए।
त्यतिबेलाको पहल र ध्यानाकर्षणपछि खानेपानी मन्त्रालयमार्फत बजेटको व्यवस्था गरिएको हो।
सरकारले संघीय स्तरबाट कार्यान्वयन हुनेगरी सो रकम छुट्याएको छ। यसले धरानमा खानेपानी समस्याको दीर्घकालीन समाधानतर्फ सकारात्मक संकेत देखिएको छ।
