_1693980289.gif "#")
विराटनगर/ हात्ती आतंक नियन्त्रणको माग गर्दै झापाको बाहुनडाँगीमा बिहीबार हात्तीपीडितहरुले प्रदर्शन गरेका छन्। हात्तीपीडित युवा समूहको अगुवाइमा मेचीनगर नगरपालिकामा उनीहरुले नाराबाजीसहित प्रदर्शन गर्दै १५ बुँदे ध्यानाकर्षण पत्र बुझाएका हुन्।
प्रदर्शनमा सहभागी पीडितहरुले ‘हात्ती चराउन पाइँदैन, राहत हामीलाई चाहिँदैन’, ‘हात्ती चराउन पाइँदैन, आँशु बेच्न पाइँदैन’, ‘हात्ती आयो पारिको, मकै खायो बारीको’ जस्ता नारा लगाएका थिए। उनीहरुले हात्ती व्यवस्थापनको स्थायी समाधान खोज्न सरकारको ध्यानाकर्षण गराएका छन्।
पीडितहरुको भनाइमा, पहिले सोलार फेन्सिङ जडान गरिएपछि हात्ती आतंक केही हदसम्म नियन्त्रणमा आएको थियो। तर, अहिले सोलार फेन्सिङ बिग्रिएको कारण फेरि हात्तीको आतङ्क बढ्दै गएको छ।
उनीहरुले सम्बन्धित निकाय तथा जनप्रतिनिधिले समस्यालाई वेवास्ता गरेको गुनासो गरेका छन्। ‘सरकार हात्ती करिडोरको चर्चा मात्रै गर्छ, तर पीडितको जीवनमा चासो देखाउँदैन’, एक पीडितले भने।
हात्ती आतंकका कारण हजारौं बिघा खेतीयोग्य जमिन बाँझो रहनुका साथै स्थानीय कृषकले धानको सट्टा सुपारी खेती गर्न थाले पनि हाल हात्तीले सुपारीका रुखसमेत भाँच्न थालेको गुनासो गरेका छन्।
मानव–हात्ती द्वन्द्वले झापाको बाहुनडाँगी क्षेत्र विगत लामो समयदेखि प्रभावित रहँदै आएको
