_तस्बिरमा:हरिदेव राजवंशी
सुनसरी/ विपद् उद्धार अभ्यासका क्रममा बिहीबार सप्तकोशीमा बेपत्ता भएका दुई सशस्त्र प्रहरीमध्ये एक जनाको शव फेला परेको छ।
सशस्त्र प्रहरी बलका वरिष्ठ प्रहरी उपरीक्षक (एसएसपी) नेत्र कार्कीको नेतृत्वमा खटिएको ३५ सदस्यीय टोलीले झापा घर भएका सशस्त्र प्रहरी जवान हरेदेव राजवंशीको शव सप्तकोशीको किनारमा फेला पारेको जिल्ला प्रहरी कार्यालयका प्रवक्ता योगराज खतिवडाले जानकारी दिए।
बेपत्ता अर्का सशस्त्र प्रहरी जवान, डोटीका सुरज साउदको भने खोजी कार्य अझै जारी रहेको प्रहरीले जनाएको छ।
उद्धार अभ्यासका क्रममा सप्तकोशीमा हराएका सुरक्षाकर्मीहरूको खोजीमा सुरक्षाकर्मी, गोताखोर तथा उद्धार टोली खटाइएको छ।
