धरान/ सुनसरी उद्योग वाणिज्य संघले व्यापारीहरुलाई नापतौलको जाँच पास गराई नविकरण गर्न आग्रह गरेको छ ।
विराटनगर स्थित गुणस्तर तथा नापतौल कार्यालयबाट आएको टोलीले नापतौल सम्बन्धी ढक, तराजु, मिटर, डिजिटल तराजु सहितको चेकजाँच गर्ने भएकोले तोकिएको समय भित्र आफ्नो साधन जाँच पास गराउन संघले आग्रह गरेको हो ।
थोक तथा खुद्रा व्यापारीहरूले प्रयोग गर्दै आएको नापतौलका साधन आधिकारिक रूपमा धरान आउने नापतौलको टोलीसँग जाँच पास गराई नवीकरण गर्न सुनसरी उद्योग वाणिज्य सङ्घले स्थानीय व्यवसायीहरूलाई आग्रह गरेको छ ।
गुणस्तर नापतौलको टोलीले धरानमा ३ ठाउँ जाँच पास र नवीकरण गर्ने सङ्घले जनाएको छ । सङ्घद्वारा जारी सूचना अनुसार वैशाख २८ देखी ३० सम्म धरान–१ स्थित सुनसरी उद्योग वाणिज्य सङ्घको भवनमा रहने छ ।
यसैगरी दोस्रो जाँच पास शिविर वैशाख ३१ गते धरान–१३ कृषि उपज बजारमा, जेठ १ गते धरान औद्योगिक क्षेत्रमा र जेठ २ गते सुनसरी सुनचाँदी कला व्यवसायी सङ्घमा र जेठ ३ गते सुनसरी सुनचाँदी व्यवसायी सङ्घको भवनमा रहने जनाइएको छ ।
