_1693980289.gif "#")
धरान/ धरान-१२ स्थित चातरालाइनमा रहेको सुुनाखरी एकेडेमीले कराँते र धरान फाइट नाइटमा उत्कृष्ट प्रदर्शन गरेका आफ्ना विद्यार्थीहरूलाई विशेष समारोहबीच सम्मान गरेको छ।
विद्यालय परिसरमा बुधबार आयोजित कार्यक्रममार्फत विद्यालयले प्रतियोगितामा सफलता हासिल गर्ने विद्यार्थीहरूको योगदानको कदर गर्दै सम्मान प्रदान गरेको हो।
विद्यालयका प्रिन्सिपल मिलनकुमार राईका अनुसार कक्षा ११ मा अध्ययनरत सलिना जोगीलाई काठमाडौँमा वैशाख ११ देखि १३ गतेसम्म सम्पन्न ‘प्रथम शेरबहादुर देउवा कप कराँते प्रतियोगिता–२०८२’ मा तेस्रो स्थान हासिल गरेबापत सम्मान गरिएको हो।
त्यसैगरी, कक्षा ८ मा अध्ययनरत नावाङ राईलाई धरानमै वैशाख १२ गते सम्पन्न राष्ट्रियस्तरीय ‘धरान फाइट नाइट–२०२५’ अन्तर्गत जुनियर तर्फको आइबीए एम्याचर बक्सिङमा विजेता बनेको उपलक्ष्यमा सम्मान गरिएको हो।
उनीहरूलाई प्रिन्सिपल मिलनकुमार राई, निर्देशक प्रदीपकुमार राई र प्लस टु संयोजक तापकुमार राईले खादा, अबिर र प्रमाणपत्र प्रदान गर्दै सम्मान गरेका थिए।
गुणस्तरीय शिक्षाको पहिचान बनाइसकेको सुुनाखरी एकेडेमी हाल धरान क्षेत्रका विभिन्न अतिरिक्त क्रियाकलापमा समेत अग्रणी बन्दै गएको छ।
