धरानमा भव्य रूपमा परशुराम जयन्ती मनाइयो

धरान/  हिन्दू धर्मका छैठौं अवतार भगवान परशुरामको जन्म जयन्ती धरानमा भव्य रूपमा मनाइएको छ।

समाजमा व्याप्त विकृति, विसंगति र अन्यायविरुद्ध आवाज उठाउने परशुरामको योगदान स्मरण गर्दै शोभायात्रा, सभात्मक कार्यक्रम र सम्मानसहित जयन्ती मनाइएको हो।

वैशाख शुक्ल तृतीयाको दिन परशुरामको जन्म भएको विश्वास गरिन्छ। राजा प्रसेनजितकी छोरी रेणुका र ऋषि जमदग्निबाट जन्मिएका परशुरामको स्मृतिमा धरानमा विगत दुई वर्षदेखि परशुराम जयन्ती धुमधामसाथ मनाइँदै आएको छ।

भगवान परशुराम समाज, सुनसरी–धरान गठन भएपछि यो परम्परा थप संस्थागत रूपमा अघि बढाइएको हो।

यस वर्षको जयन्तीको अवसरमा बिहान व्यानरसहितको शोभायात्रा निकालिएको थियो। शोभायात्राले धरान बजार परिक्रमापछि धरान–१ मा रहेको सुनसरी उद्योग वाणिज्य संघको हलमा गई सभामा रुपान्तरण भएको थियो।

कार्यक्रममा बोल्दै वृन्दावन गौशाला इटहरीका संरक्षक दिनबन्धु शास्त्रीले भगवान परशुरामको शिक्षालाई समाजले आत्मसात गर्नुपर्नेमा जोड दिए।

“आजको समाजमा बढ्दो डाह, इर्ष्या र असल मूल्यको अभावलाई परशुरामको आदर्शले सुधार गर्न सक्छ,” उनले भने।

भगवान परशुराम समाज, सुनसरी–धरानका अध्यक्ष जयप्रकाश शर्माले सामाजिक ऐक्य, धार्मिक सहिष्णुता र विकृति विरुद्धको दृढताको सन्देश दिनुपर्ने आवश्यकता औंल्याए। उनले