राप्रपाको आवाज बल्खुमा गुञ्जियो, संघीयता खारेजीको माग

काठमाडौं/  ‘व्यवस्था र अवस्था बदलौं, भ्रष्टाचार र कुशासनविरुद्ध’ भन्ने नारासहित राष्ट्रिय प्रजातन्त्र पार्टी (राप्रपा) ले मंगलबार(आज) काठमाडौंको बल्खुमा बागमती प्रदेशस्तरीय खबरदारी सभा गरिरहको छ।

सभामा राप्रपा अध्यक्ष राजेन्द्र लिङ्देन, पूर्वअध्यक्ष पशुपति शम्शेर राणा र डा. प्रकाशचन्द्र लोहनी, उपाध्यक्षहरू बुद्धिमान तामाङ, विक्रम पाण्डे, रोशन कार्की तथा नेता ज्ञानेन्द्र शाहीलगायतले सम्बोधन गरेका थिए।

राप्रपाले राजसंस्थाको पुनःस्थापना र संघीयता खारेज गर्ने एजेन्डासहित आन्दोलन अघि बढाउने निर्णय गरिसकेको छ। सोही निर्णयअनुसार मंगलबारको प्रदर्शन तथा सभा गरिएको हो।

पार्टीले आगामी वैशाख ७ गतेदेखि काठमाडौं उपत्यकामा केन्द्रित चरणबद्ध आन्दोलन सुरु गर्ने घोषणा पनि सभामार्फत् गरेको छ।