युएन-नवोदयका विद्यार्थी र अभिभावकलाई निःशुल्क स्वास्थ्य जाँच सहित औषधी वितरण

धरान/ धरानको युएन कलेज,नवोदय विद्या मन्दिर स्कुलका विद्यार्थी तथा विद्यार्थीहरुको अभिभावकहरुले एक दिवसीय निःशुल्क स्वास्थ्य शिविरमा स्वास्थ्य जाँच गरेर स्वास्थ्य लाभ लिएका छन् ।

शुक्रबार धरान १६ मा रहेको उक्त स्कुलको आयोजना र विपी कोइराला स्वास्थ्य विज्ञान प्रतिष्ठान धरानको प्राविधिक सहयोगमा उक्त स्वास्थ्य शिविरको आयोजना गरिएको आयोजक कलेजका एचएम कोर्डिनेटर गगनमान श्रेष्ठले बताए ।

उनले दिएको जानकारी अनुसार उक्त स्वास्थ्य शिविरमा विद्यार्थी र अभिभावक गरि झण्डै डेढ सयभन्दा बढी विद्यार्थीका अभिभावक सहितले स्वास्थ्य चेक जाँच गरेको श्रेष्ठका बताए ।

उनले भने,“स्वास्थ्य शिविरमा स्वास्थ्य शिविरमा निशुल्क औषधी समेत वितरण गरियो,सुगर,प्रेसर,कोलेस्ट्रोलको निशुल्क जाँच गरेर सोही अनुसारको निशुल्क औषधी प्रदान गरिएको हो।”

वीपी कोइराला स्वास्थ्य विज्ञान प्रतिष्ठान अन्र्तगत रहेको फिजिसियन फर सोसियल रेस्पोन्सिविलिटी नेपाल चिकित्सकहरुको प्राविधिक सहयोग रहेको थियो ।

कलेज प्रमुख डम्बर तुम्बापोले विद्यार्थी र अभिभावकको स्वास्थ्य प्रति शिक्षण संस्था सचेत भई निशुल्क स्वास्थ्य शिविर आयोजना गरेको बताए । आगामी दिन समेत स्वास्थ्य सचेतना सहित यस्ता शिविरको आयोजना निरन्तर रुपमा गर्दै जाने योजना रहेको प्रमुख तुम्बापोले बताएका छन ।

युएन कलेज,नवोदय विद्या मन्दिर कोशी प्रदेशकै उत्कृष्ट कलेजको रुपमा परिचित रहेको छ भने शिक्षण अलवा यस कलेज र स्कुलले विद्यार्थी र अभिभावकको लागि सामाजिक उत्तरदायित्व अन्र्तगतको विभिन्न कार्यक्रमहरु शैक्षिक क्यालेण्डरमा राखेर गर्ने गरेको छ ।

उक्त कलेज र स्कुलमा पढ्न र पढाउन विद्यार्थी र अभिभावकले रोज्ने गरेका छन् ।

तस्बिरहरु: