_1693980289.gif "#")
धरान/ कलोथ फाउन्डेशन नेपालले धरान उपमहानगरपालिका वडा नं. ५ मा पुगेर न्यानो कपडा वितरण गरेको छ ।
फाउन्डेशनले स्थानीय सरकार ५ नं. वडा समितिसँग सहकार्य गरेर वडामा रहेका गरिब तथा असहायहरुलाई निःशुल्क कपडा वितरण गरेको हो ।
विगतमा समेत वडाका विपन्न परिवालाई विभिन्न ठाउँमा जाडोको कपडा वितरण गरेको्र क्लोथ फाउन्डेशनले वडाको आग्रहमा गरिब तथा असहायलाई कपडा वितरण गरेको हो ।
सो अवसरमा ७० जना जेष्ठ नागरिक महिलाहरुलाई लुंगी तथा अन्यलाई समेत जाडोको कपडा वितरण गरिएको क्लोथ फाउन्डेशनका अध्यक्ष विनय प्रधानले जानकारी दिए ।
वडामै पुगेर गरिब तथा असहायलाई कपडा वितरण गरेकोमा ५ नंं वडाका वडाध्यक्ष मनप्रसाद लिम्बुले फाउन्डेशनलाई धन्यवाद दिए । उनले आगामी दिनमा पनि यस्ता सहयोगहरु निरन्तर गर्न आग्रह गरे ।
उनले धरान उपमहानगरपालिका वडा नं. ५ मा अति विपन्न परिवारको बसोबास रहेका कारण यहाँका बालबालिकालाई अध्ययन गर्न असहज हुने, स्वास्थ्यमा पहुच नपुग्ने लगायतका समस्या भएको यस्ता सहयोगी हातहरुले यहाँका सर्वसाधारणलाई जीवनयापनमा सहज हुने बताए ।
क्लोथ फाउन्डेशनको कार्यको प्रशंसा गर्दै अन्य व्यक्ति तथा संघ संस्थाले समेत सहकार्य गर्ने गरेका छन् ।
विजयपुर अध्यात्मिक मञ्च धरानका अध्यक्ष एवम् व्यापारी व्यवसायी समाजसेवी पितरुमल अग्रवालले थोरै भएपनि सहयोग गर्न सकेकोमा यहाँका विपन्न वर्गलाई केही राहत मिलेको बताए ।
क्लोथ फाउन्डेशनले यस भन्दा अगाडि पनि स्थानीय सरकारमातहतका वडाहरुसँग समन्वय गरेर विभिन्न संघ संस्था तथा व्यक्तित्वहरुको सहयोगमा धरानका विभिन्न वडामा रहेका विपन्न परिवारलाई कपडा वितरण गर्दै आइरहेको छ ।
थोरै सहयोगले पनि समाजमा धेरै महत्व राख्छ भन्ने अभिप्रायले एक बर्ष अगाडि शुरु गरेको यो अभियानलाई अहिले पनि क्लोथ फाउन्डेशनले निरन्तता दिदै आएको छ ।
