_1693980289.gif "#")
विराटनगर । बढ्दो सडक दुर्घटना न्युनिकरण गर्ने उदेश्यले तयार पारिएको स्टिकर आइतबार विराटनगर बसपार्कबाट सार्वजनिक गरिएको छ ।
आइतबार कोशी प्रदेश प्रहरी प्रमुख डिआइजी राजन अधिकारी र नेपाल यातायात स्वतन्त्र मजदुर संगठनका केन्द्रीय अध्यक्ष भीमज्वाला राई, नेपाल यातायात मजदुर संघका केन्द्रीय उपाध्यक्ष कमल राई, नेपाल यातायात व्यवसायी राष्ट्रिय महासंघका केन्द्रीय सदस्य राजन कँडेल लगायतका सरोकारवालाहरु सहितको उपस्थितिमा स्टिकर सार्वजनिक गरिएको हो ।
सडक सुरक्षा सचेतना जागरण अभियान सञ्चालन गरिरहेको नेपाल यातायात स्वतन्त्र मजदुर संगठन र नेपाल यातायात मजदुर संघले माघ २७ गतेदेखि कोशी प्रदेशभरी अभियान सञ्चालन गरिरहेको छ ।अभियान अन्तर्गत आइतबार स्टिकर लोकार्पण गरिएसंगै विराटनगरबाट विभिन्न रुटमा सञ्चालन हुने सार्वजनिक यातायातका साधनहरुमा स्टिर टाँसेर अभियानको थालनी गरिएको हो ।
स्टिकरमा यातायात मजदुरलाई जिम्मेवार बनाउने उदेश्य म मादक पदार्थ तथा लागु औषध सेवन गरेर सवारीसाधन चलाउँदीन, लेन अनुशासनको पालना गर्छु, तिब्र गतिमा सवारीसाधन चलाउँदीन, जथाभावि सवारीसाधन पाकिङ गर्दिन, जथाभावि ओभरटेक गर्दिन, यात्रुहरुलाई पहिलो प्राथमिकता दिन्छु ट्राफिक नियमको पालना गर्छु’ लगायतका प्रतिबद्धताहरु रहेको संगठनका कोशी प्रदेश अध्यक्ष गौरी लामाले जानकारी गराए ।
कार्यक्रममा मोरङका प्रहरी प्रमुख एसपी नारायण चिमरीया, नेपाल प्रहरी राजमार्ग सुरक्षा तथा ट्राफिक व्यवस्थान कार्यालय सुनसरी, इटहरीका डिएसपी रामेश्वर त्वाती, नेपाल नेपाल ट्रेड युनियन महासंघ जिफण्ट कोशी अध्यक्ष किशोर धमला, नेपाल ट्रेड युनियन काँग्रेस मोरङका अध्यक्ष सुशिल कोइराला सहभागी रहनु भएको थियो।स्टिकर लोकापर्ण कार्यक्रम नेपाल यातायात स्वतन्त्र मजदुर संगठन मोरङ जिल्ला अध्यक्ष, उत्तम बन्जाराको अध्यक्षतामा भएको थियो भने कार्यक्रमको सञ्चालन नेपाल यातायात मजदुर संघका मोरङ अध्यक्ष बाबुराम कट्टेलले गरेका थिए ।
