धरानको सनसनीपूर्ण जित, डिफेन्डिङ च्याम्पियन चर्च ब्याइज बाहिरियो

सुनसरी/  डिफेन्डिङ च्याम्पियन चर्च ब्याइज युनाइटेड कन्ट्रोल इटहरी गोल्डकप फुटबल प्रतियोगिताको पहिलो चरणबाटै बाहिरिएको छ।

मंगलबार भएको क्वार्टरफाइनलमा धरान फुटबल क्लबले चर्च ब्याइजलाई २–१ ले पराजित गर्दै सेमिफाइनलमा स्थान सुरक्षित गर्यो।

खेलको ४६औं मिनेटमा दोर्जे तामाङले धरानलाई अग्रता दिलाए। दोस्रो हाफको १२औं मिनेटमा विवेक राईको निर्णायक गोलपछि धरान बलियो स्थितिमा पुग्यो।

खेलको अन्तिम समयमा चर्च ब्याइजका अनन्त तामाङले हेडर गोल फर्काए पनि टिमलाई हारबाट जोगाउन सकेनन्।

(आज)बुधबार पहिलो सेमिफाइनलमा युनाइटेड खर्साङ फुटबल क्लब (यूकेएफसी)भारत र मछिन्द्र फुटबल क्लब, काठमाडौं भिड्नेछन्।