धरानमा बिजनेस एक्सपो माघमा हुने

धरान/ व्यापार व्यवसाय धरासायी बन्दै गएको धरानमा बिजनेस एक्सपो हुने भएको छ ।

धरानको आर्थिक गतिविधिलाई चलायमान बनाउन टेवा दिने उद्धेश्यले आगामी माघमा १४ दिने ‘बिजनेस एक्स्पो’ आयोजना हुने आयोजक नेपाल उद्योग व्यवसायी महासंघले जनाएको छ ।
महासंघका अध्यक्ष समेत रहेका शिवराज श्रेष्ठका अनुसार धरान १६ स्थित रङ्गशालामा माघ २६ देखि फागुन १० गतेसम्म एक्स्पो आयोजना हुनेछ ।

एक्स्पोमा साना घरेलु, मझौला तथा ठूला उद्योगका उत्पादन, स्थानीय कृषि उपज, तयारी पोसाक, रत्न तथा आभूषण, जुत्ताचप्पल, साजसज्जाका सामग्री, खाना महोत्सव, पुष्प व्यापार, कृषि औजार, विद्युतीय उपकरण, औद्योगिक प्रदर्शनी समावेश गरिनुका साथै ती सामग्रीको खरिद बिक्री गरिने अध्यक्ष श्रेष्ठको भनाई छ ।

धरानको पर्यटनमा थप सहयोग पुर्याउनको लागि प्याराग्लाइडिङ, ¥याफ्टिङ, साइक्लिङ, साहसिक तथा रोमाञ्चक खेल पनि प्रस्तुत गरिनेछ भने एक्पोमा तीन सय ५० प्रदर्शनी कक्ष राखिने जनाइएको छ ।