टेम्केमैयुङमा दलित छात्रबृतिको लागि एक लाख बढीको अक्षयकोष

धरान । भोजपुरको टेम्केमैयुङ ८ गोगनेको श्री विद्येश्वर माध्यामिक विद्यालयमा अक्षयकोष स्थापना गरिएको छ ।

धरानका लालबहादुर विक÷रेणुका विकले उक्त विद्यालयमा दलित छात्रबृति अक्षयकोष –२०८१ स्थापना गरेका हुन् ।
विद्यालयको ८४ औं वार्षिकोत्सवमा मङ्सिर ८ गते विद्यालय पुगेका विकले एक लाख एक हजार एक सय एक रूपैयाँको अक्षयकोष स्थापना गरेका हुन। ‘मङ्गल÷शुभद्रा÷लाल ब। विश्वकर्मा दलित छात्रवृत्ति अक्षयकोष–२०८१’ भनेर स्थापना गरिएको हो ।

विद्यालय व्यवस्थापन समितिका अध्यक्ष घमानसिंह राईलाई अक्षयकोषको रकम हस्तान्तरण गरिएको छ । विद्यालयमा विगत सञ्चालित ‘मङ्गलसिंह स्मृति छात्रवृत्ति अक्षयकोष–२०७२’ मा थप गरी १ लाख १ हजार १ सय १ रुपैयाँ पु¥याएका हुन् । मङ्गलसिंह र शुभद्रा लालबहादुरका बुवाआमा हुन् ।

यस अघि २० हजार रुपैयाँ कोष थियो । उक्त अक्षयकोषको व्याज रकमबाट प्रत्येक वर्ष कक्षा ८ र ९ बाट उत्तीर्ण उत्कृष्ट दलित विद्यार्थी १ छात्र १ छात्रासहित ४ जना विद्यार्थीलाई छात्रवृत्ति (जिन्सी सामाग्री) प्रदान गरिनेछ ।

लालबहादुर कक्षा ८ सम्म उक्त विद्यालयमा अध्ययन गरेका थिए । आफूले अध्ययन गरेको विद्यालयमा उनले अक्षयकोष स्थापना गरेका हुन् ।लालबहादुर पेशाले सरकारी इन्जिनियर  समेत हुन् । उनको परिवार प्राय सरकारी कर्मचारी छन् ।