विराटनगर/ संविधान दिवसका अवसरमा विराटनगरस्थित अरनिको उच्च माविले वादविवाद प्रतियोगिता आयोजना गरेको छ ।
‘बढ्दो वैदेशिक पलायन : रहर कि बाध्यता’ शीर्षकमा आयोजना गरेको प्रतियोगितामा २७ जना प्रतिस्पर्धीलाई उछिन्दै कविसा पोखरेल प्रथम भइन् ।
त्यस्तै समीर कटुवाल द्वितीय, आव्या घिघिरे तृतीय र शिक्षा यादवले सान्त्वना स्थान प्राप्त गरेका थिए ।
कवि एवं पत्रकार मीनकुमार नवोदित प्रमुख निर्णायक रहेको समितिले पुरस्कृतहरूको नाम घोषणा गरेको थियो ।
विद्यालयका शिक्षकद्वय टंकनाथ कोइराला र शिवकुमार लम्सालसमेत निर्णायक समिति रहेका थिए ।
विषयवस्तुको ज्ञान, तार्किक क्षमता, प्रस्तुतीकरण, भाषाशैली, समय पालनलगायतलाई मुख्य आधार मानेर पुरस्कृतहरूको नाम छनौट गरिएको प्रमुख निर्णायक नवोदितले बताए ।
विद्यार्थीभित्र लुकेर रहेको प्रतिभा प्रस्फुटन र तार्किक क्षमता वृद्धि गराउने उद्देश्यले वादविवाद प्रतियोगिता आयोजना गरिएको प्रिन्सिपल राजेश कार्कीले जानकारी दिए ।
विजेता विद्यार्थीलाई पिन्सिपल कार्कीसहित निर्देशक भरतराज दाहाल, निलम अधिकारी, योगेश राजभण्डारी, निर्णायकहरू मीनकुमार नवोदित, टंकनाथ कोइराला, शिवकुमार लम्साल, कार्यक्रम संयोजक विमल भट्टराईलगायतले पुरस्कार,
प्रमाणपत्र र ट्रफी प्रदान गरेका थिए । विद्यालयले पाठ्यक्रमको पठनपाठनसँगै अतिरिक्त क्रियाकलापलाई पनि उच्च प्राथमिकतामा राखेर विभिन्न प्रतिस्पर्धा आयोजना गर्दै आएको कार्यक्रम संयोजक विमल भट्टराईले जानकारी दिए । यसअघि राष्ट्रिय बाल दिवसका अवसरमा विद्यालयले कविता प्रतियोगिता आयोजना गरेको थियो ।
