मेघा हिमालयन स्कुलका विद्यार्थीलाई स्वागत

भदौ २५, २०८१
कोशीपत्र/संवाददाता

धरान/ धरान–१२ स्थित धरान मेघा हिमालयन स्कुलको कक्षा १२ का विद्यार्थीहरूले कक्षा ११ का विद्यार्थीहरूलाई स्वागत गरेका छन् ।

सोमवार आयोजित कार्यक्रममा कक्षा–११ का नवआगन्तुक विद्यार्थीहरूलाई स्वागत गरिएको हो ।

धरान–१५ को किरात याक्थुङ चुम्लुङ भवनमा आयोजित कार्यक्रमका प्रमुख अतिथि प्राडा टङ्कप्रसाद न्यौपाने, स्कुलका अध्यक्ष कैलाश लिम्बू, प्रिन्सिपल भाष्कर पौड्याल, एकेडेमिक डाइरेक्टर अर्जुन घिमिरे, होटल म्यानेजमेन्टका विभागीय प्रमुख पोषण श्रेष्ठलगायतले खदा र अबिर लगाएर कक्षा–११ का विद्यार्थीहरूलाई स्वागत गरे ।

कर्यक्रममा प्रमुख अतिथि न्यौपानेले मेघा हिमालयन स्कुल राम्रो व्यवस्थापनका साथ सञ्चालन भएकाले छोटो समयमा नै प्रगति गर्न सफल भएको बताए । कार्यक्रममा राजेश विद्रोही, जीवन न्यौपाने, प्रभाष राजवंशी, किशोर राई, सूर्य अधिकारीलगायत उपस्थित थिए ।

कक्षा ११ र १२ का गरी सात सयभन्दा बढी विद्यार्थी सहभागी कार्यक्रममा १२ का विद्यार्थीहरूले आकर्षक नृत्य र गीत प्रस्तुत गरी मनोरञ्जन प्रदान गरेका थिए ।