इटहरी/ नेकपा एमालेले बिराटनगरमा प्रदेश स्तरीय प्रशिक्षण कार्यक्रम सम्पन्न गरेको छ ।
नेकपा एमाले केन्द्रीय अनुशासन आयोगको आयोजना र कोशी प्रदेश कमिटीको ब्यबस्थापनमा प्रशिक्षण तथा अनुगमन १ दिने कार्यक्रम सम्पन्न भएको हो ।
कार्यक्रममा नेकपा एमाले कोशी प्रदेश स्थित केन्द्रीय सदस्य एब जिल्ला इन्चार्जहरु ,प्रदेश पदाधिकारी तथा सचिबालय सदस्यहरु र १४ जिल्लाका जिल्ला अध्यक्षहरु को सहभागिता रहेको थियो ।
अनुशासन आयोगका सचिब प्रा डा भरतराज पहाडीले अनुशाशन र आचारसहिता सम्बन्धि र अनुशासन आयोगका अध्यक्ष केशब बडाल ले समग्र पार्टी नीति कार्यक्रम र सञ्चालन , अनुशासन र पारदर्शीता लगायत बिषयमा प्रशिक्षण दिए ।
कार्यक्रममा प्रमुख अतिथि एमाले कोशी प्रदेश इन्चार्ज शेरधन राईले भर्खरै सम्पन्न पोलिट्ब्युरो बैठक को जानकारी लगायत कोशी प्रदेश को पार्टी अभियाना बारेमा जानकारी गराएका थिए ।
अनुशासन आयोगका अध्यक्ष केशब बडालको अध्यक्षतामा भएको कार्यक्रममा प्रदेश कमिटीका अध्यक्ष . घनश्याम खतिवडाले स्वागत गर्नुभयो ।
अन्त्यमा नालापानी सम्बन्धि जानकारी मुलक फिल्म प्रदर्षन गरिएको प्रदेश प्रचार तथा प्रकाशन बिभाग प्रमुख लक्ष्मण तिवारीले जानकारी दिए ।
