_1693980289.gif "#")
चतरा/ हाटखोला फुटबल क्लबको आयोजनामा आगामी भदौ १० गतेदेखि आयोजना हुने माउन्ट एभरेष्ट च्यालेन्ज कपको २१ औं संस्करणका लागि खेल सामग्री हस्तान्तरण गरिएको छ ।
एन्फाका मानार्थ वरिष्ठ उपाध्यक्ष तथा कोशी प्रदेश फुटबल सङ्घका अध्यक्ष किशोर राईले खेल सामग्री हस्तान्तरण गरेका हुन् ।
आइतबार हाटखोलास्थित बाइस बिघेमा रहेको हाटखोला खेल मैदानमा अध्यक्ष राईले ५ वटा फुटबलसहित, नेट, फ्लागसहितका खेल सामग्री प्रदान गरे ।
प्रमुख अतिथि अध्यक्ष राईले माउन्ट एभरेष्ट च्यालेन्ज कपको २१ औं संस्करणलाई एन्फाले अपनत्व लिएको बताए । आगामी प्रतियोगितादेखि खेलाडीहरुको बिमालगायत व्यवसायिक सुरक्षामा ध्यान दिन आग्रह गरे । ।
प्रतियोगितालाई शुभकामना दिदै अध्यक्ष राईले भने, ’प्रतियोगिताले चतरा वराहक्षेत्रको खेललाई चलायमान बनाउने मात्र होइन, खेलाडीहरुको भविष्य र सम्भावनाको ढोका खोलोस्, शुभकामना व्यक्त गर्दछु ।’
उनले प्रतियोगितालाई एन्फाको तर्फबाट सहयोग गर्ने प्रतिबद्धता व्यक्त गरे ।
खेलाडीहरुले आफ्नो स्वर्णिम समय खेलकुदलाई दिसकेपछि एन्फाले वा खेलकुद सम्बद्ध पदाधिकारीले खेलाडीको नाम, दाम र भविष्यका लागि सोच्न नसक्ने हो भने खेलाडीको भविष्य बर्बाद गर्ने कुनै अधिकार नभएको बताए ।
अध्यक्ष राईले प्रतियोगिता सानाठूला जस्तै भएपनि व्यवस्थित र मर्यादित बनाउनेतर्फ अघि बढ्नु पर्ने बताए । ’खेलाडीले दुई पैसा आर्जन गरोस्, त्यसतर्फ पनि हामीले ध्यान दिनुपर्छ ।’ अध्यक्ष राईले भने ।
आगामी भदौ १० देखि हुने प्रतियोगिताको उद्घाटन खेलका लागि हाटखोला फुटबल क्लबले अध्यक्ष राईलाई प्रमुख अतिथिको समेत आमन्त्रण गरेको छ ।
_Poush 22_1736170149.jpg "#")
_1734253975.jpg "#")
