धरान/ रोटरी क्लब अफ घोपा धरानले आफ्नो २२ औं पदस्थापना दिवसको अवसरमा धरानमा अध्ययनरत ३ जना जेहेन्दार छात्राहरुलाई छात्रवृत्ति वितरण गरेको छ भने चिकित्सा क्षेत्रमा लामो समयदेखि योगदान पुर्याउने दुई जना चिकित्सकलाई ‘लाइफ टाइम अवार्ड’ बाट सम्मानित गरिएको छ ।
रोटरी क्लब अफ घोपा धरानले धरान २ मा रहेको सुकुन्डा ब्यांकेट हलमा आयोजित पदस्थपना कार्यक्रममा बालिका मावि धरान १६ मा अध्ययनरत तीन जना जेहेन्दार छात्राहरु कक्षा ११ मा अध्ययनरत मुना मगर, कक्षा ९ की रितु कार्की डोली र कक्षा १० मा अध्ययनरत सुखी गुरुङलाई छात्रवृत्ति प्रदान गरिएको हो भने चिकित्सा क्षेत्रमा लामो समयदेखि सक्रिय भएर सेवा पुर्याउदै आएकाु भएका बीपी कोइराला स्वास्थ्य विज्ञान प्रतिष्ठानमा लामो समय चिकित्सकको रुपमा काम गरिसकेका डा. सिएस अग्रवाल र डा. निलम्बर झालाई ‘लाइफ टाइम अवार्ड’बाट सम्मानित गरिएको हो ।
सो अवसरमा बोल्दै रोटरी क्लब डिष्ट्रिक ३२९१ का पूर्व अध्यक्ष एवम् प्रमुख अथिति बासुदेव गोल्यानले सामाजिक कार्यमा सक्रिय र नेतृत्व क्षमता विकासका लागि रोटरीले खेलेको भूमिकाका बारेमा प्रष्ट पारेका थिए ।
यस्तै कार्यक्रमका विशेष अतिथि कोशी प्रदेशकी सांसद यसोदा कायस्थले रोटरी क्लब अफ घो्पा धरानले शिक्षा, स्वास्थ्य तथा समाजमा विभिन्न क्षेत्रमा पुर्याएको योगदान अतुलनीय भएको बताउदै चिकित्सा क्षेत्रमा जीवन विताएका दुई जना चिकित्सकलाई लाइफ टाइम अवार्डबाट सम्मानित गरेकोमा उहाँहरुलाई बधाई ज्ञापन दिइन् ।
क्लबको भर्खरैमात्र नयाँ कार्यसमिति चयन गरिएको थियो । २२ सदस्यीय कार्य समितिको अ्रध्यक्षमा गौरवमान श्रेष्ठलाई चयन गरेको थियो भने महासचिवमा अतुल श्रेष्ठ, कोषाध्यक्षमा प्रतिक श्रेष्ठ लगायत अन्य सदस्यहरु रहेका छन् ।
