वराहक्षेत्र/ नगदेबालीको पकेट क्षेत्रको रुपमा रहेको श्रीलंका टप्पुमा कृषकहरुलाई बगर खेति तर्फ आक्रषण गराउन बराहक्षेत्र नगरपालिकाले कार्यक्रम अगाडि सारेको छ ।
नदि उकास क्षेत्रमा तरकारी खेती गरि जिबिको पार्जन गरि रहेका टप्पुवासिहरुलाई व्यवसायिक रुपमा बगर खेतिमा आक्रषित गराउने कार्य सुरु गरेको हो । वराहक्षेत्र नगरपालिका वडा नं ६ र ९ कोशीपारी श्रीलंका टप्पुमा स्थानिय कृषकहरुले बिशेषगरि मकै , खौर्सानी, टमटर लगायतका नगदेबालीहरुको खेति गर्ने गर्दछन् ।
यसैलाई व्यवसायीक र आधुनिक रुपमा खेति गर्न कृषकहरुलाई बगर खेती प्रवर्द्बन कार्यक्रम अगाडि ल्याईएको नगरपालिकाका कृषि बिकाश शाखाका प्राबिधिक निरकुमार राईले बताए ।
नगरपालिकाले कृषकहरुलाई व्यवसायिक तरकारी खेति गर्नकालागि स्थानिय गरैया कृषि सहकारी मार्फत रासायिनिक मल , उन्नत जातको बीउ , सिचाईका सामाग्रीहरु बितरण गर्दै आएको उनले बताए ।
नगदेबाली खेतीको पकेट क्षेत्र र खेती योग्य जमिन रहेको श्रीलंका टप्पुमा बगर खेती प्रवर्द्बनकालागि स्थानिय कृषकलाइ बीउ र मलखाद बितरण तथा अभिमुखिकरण कार्यक्रम समेत गरिएको छ ।
शुक्रवार टप्पुमा पुगेर नगर प्रमुख रमेश कार्की, उप-प्रमुख नन्दकुमारी सुनुवार , प्रमुख प्रशासकीय अधिकृत गणेश बहादुर कटुवाक , वडा नं ६ का वडाध्यक्ष उद्बब प्रसाद पोखरेल , कृषि बिकाश शाखाका प्रबिधिक निरकुमार राई लगायतले स्थानिय कृषकहरुसंग बगर खेती प्रवर्द्बन कार्यक्रमकालागि छलफल गरेका थिए ।
टप्पुमा बगर खेती प्रवर्द्बनकालागि कृषकहरुकालागि बीउ बिजक , मलखाद वितरण समेत गरिएको नगर प्रमुख रमेश कार्कीले बताए । जनता बिकासको आधार टोखा नगरपालिकाको प्राबिधिक सहयोगमा कृषकहरुलाई कम्पोष्ट मल , काक्राको बीउ, टमाटरको बीउ र खोर्सानीको बीउ बितरण गरिएको थियो ।
प्राय तरकारी खेति गरेर आम्दानि गरि रहेका कृषकहरुलाई बगर खेति कार्यक्रम फाइदा जनक रहेको स्थानिय गरैया कृषि सहकारीका अध्यक्ष बद्रि राईले बताए ।
वगर खेतिकालागि नगरपालिकाले दिएको बीउ बिजक , मलखादले स्थानियहरुलाइ प्रेरणा जनाउने उनको भनाई रहेको थियो ।
