गहना चोरी गरि फरार रहेको मानिस गहना सहित पक्राउ "संगम बिस्ट"

वराहक्षेत्र/चाँदिका गहना चोरी गरि फरार रहेका प्रविण राईलाई इलाका प्रहरी कार्यालय महेन्द्रनगर चक्रघट्टीले प्रकाउ गरेको छ ।

ललितपुरबाट चोरी गरि फरार रहेका २६ बर्षिय राईलाई प्रहरीले सुनसरीको बराहक्षेत्र नगरपालिका वडा नं १ गौरीटोल स्थित आफ्नै घरबाट बिहिबार बेलुका प्रकाउ गरेको हो ।

इलाका प्रहरी कार्यालय महेन्द्रनगर चक्रघट्टीका प्रमुख प्रहरी निरिक्षक बिकाश राईका अनुसार प्रविण राई ललितपुर जिल्लाको ललितपुर उपमहानगरपालिका मङ्गलबजार स्थित रहेको लक्ष्मण संकरको चाँदीको पसलबाट एक महिना अगाडि चाँदी र चाँदीले बनेको भाडा-कुडा चोरी गरी फरार रहेका थिए ।

प्रविण राईले आफुले काम गर्दै आएको पसलबाट चाँदी र चाँदीले बनेको भाडा-कुडा चोरी गरी फरार रहेको खवर इलाका प्रहरी कार्यालय महेन्द्रनगर चक्रघट्टीमा प्राप्त हुनसाथ बिशेष सुचनाको आधारमा प्रकाउ गरिएको इलाका प्रहरी कार्यालय महेन्द्रनगरले जानकारी दिएको छ ।

चोरी गरि फरार रहेका प्रविण राई वराहक्षेत्र नगरपालिका वडा नं १ गौरी टोल आफ्नै घरमा लुकि बस्दै आएका थिए । प्रबिण सहित 

घर भित्र लुकाई छिपाई राखेको ४ केजि १ सय ८७.२६ ग्राम चाँदी र चाँदीले बनेको भाडा-कुडा सहित नियन्त्रणमा लिएको इलाका प्रहरी कार्यालय महेन्द्रनगरले जानकारी दिएको छ ।

प्रकाउ परेका राई र बरामदित चाँदिलाई शुक्रवार सार्वजनिक गरिएको छ ।

राईलाई आवश्यक कार्वाहीको लागि जिल्ला प्रहरी परिसर ललितपुर पठाइएको इलाका प्रहरी कार्यालय महेन्द्रनगरले जानकारी दिएको छ ।