धरान/ पूर्ण राई एण्ड द दाजुभाइहरु ब्यान्डले नयाँ गीत आफ्नै युट्युब च्यानलमा सार्वजनिक गरेको छ ।
ब्यान्डले हिजो शनिबार ब्यान्डकै शब्द संगीतमा रहेको स्पर्श संगीत गित सार्वजनिक गरेको हो । पूर्ण राई को शब्द संगीतमा रहेको उक्त गीत उनले आफ्नै ब्याण्डमार्फत सार्वजनिक गरेका हुन्।
भिडियोमा आमा र छोरा बीचको माया सद्भावलाई देखाइएको छ साथै धरानमा भएका युवाहरूका गतिविधिलाई भिडियोमा देखाइएको छ ।
धरानमा भएका युवाहरू कसरी कुलतमा फस्छन्, कसरी लागूदुर्वेसनमा फस्छन् भन्ने कुरालाई समेत झल्काइएको छ ।
उक्त गीतसंगीतको ड्रममा सुमेक योन्जन गितारमा सुसन कार्की बेस गितारमा दिगोस राई रहेका छन् ।
पूर्ण राई एण्ड द दाजुभाईहरू ब्यान्ड धरानकै ब्यान्ड हो। उक्त ब्यान्ड अहिलेको युवा पुस्ताहरूमाझ एकदमै लोकप्रिय ब्यान्ड रहेको छ ।
ब्यान्डले धरान सँगसँगै धरानभन्दा बाहिर विभिन्न ठाउँ तथा देशहरूमा समेत धरानलाई चिनाउँदै कार्यक्रमहरू गर्दै आइरहेको छ ।
-सन्देश तिमल्सिना
