_1693980289.gif "#")
सुनसरी/ आइतबार राती भारतीय पर्यटक आकर्षित गर्न सुरु भएको चौथो संस्करणको इस्टर्न ट्राभल मार्ट २०२४ को समापन गरिएको छ ।
सुनसरीको इटहरीबाट सुरु भएको मार्ट धनकुटा, तेह्रथुम, पाँचथर र इलामका विभिन्न धार्मिक तथा पर्यटकीय क्षेत्रको स्थलगत भ्रमण र प्रचारप्रसार गर्दै झापाको मेचीनगरमा पुगेर आइतबार राती सम्पन्न भएको हो ।
मेचीनगरको होटेल मेची क्राउनमा सम्पन्न कार्यक्रममा भारतीय पर्यटनकर्मीले कोसी प्रदेशका पर्यटकीय क्षेत्रको भारतमा प्रचारप्रसार गर्ने प्रतिबद्धता व्यक्त गरे ।
कोसी प्रदेशको समग्र पर्यटन उत्पादनहरूलाई प्रदेशका सीमावर्ती भारतीय सहर र नेपालका अन्य प्रदेशहरूमा समेत प्रचारप्रसार र प्रवर्धन गर्ने मुख्य उद्देश्य सहित आयोजना गरिएको मार्टको यात्रामा १३० जना भन्दा बढीको सहभागिता रहेको थियो ।
छिमेकी देश भारतका बिहार, पश्चिमबङ्गाल सिक्किम, भुटान र बङ्गलादेश समेतका गरी ८० भन्दा बढी ट्राभल व्यवसायी, पर्यटनकर्मी, पर्यटन पत्रकार, पर्यटन अभियन्ताहरूको सहभागिता रहेको कार्यक्रमका संयोजक भविषकुमार श्रेष्ठले बताए । त्यस्तै, नेपालका लुम्बिनी, बाग्मती, गण्डकी, मधेस र अन्य प्रदेशका ५० जनाभन्दा बढी ट्राभल व्यवसायीहरूको सहभागिता रहेको थियो ।
कार्यक्रममा विदेशी तथा स्वदेशी पर्यटन व्यवसायीहरूबिच सूचना र व्यापार र समझदारी बनाउँदै देशीय तथा अन्तर देशीय व्यवसायी प्याकेजहरूमा छलफल तथा बहस भएको संयोजक श्रेष्ठले बताए । कार्यक्रम समापनको अवसरमा कार्यक्रममा प्रमुख अतिथि प्रतिनिधिसभा सदस्य विश्वप्रकाश शर्माले कोसी प्रदेशका पर्यटकीय क्षेत्रको प्रचार प्रचार अझ व्यापक गर्नुपर्ने बताए ।
उनले विदेशी पर्यटक भित्र्याउन नेपाली पर्यटनकर्मी तथा व्यवसायीले प्रभावकारी ढङ्गले लाग्नुपर्ने धारणा राखे ।
कार्यक्रमका लागि नेपाल पर्यटन बोर्डबाट तीस लाख र इटहरी उपमहानगरपालिकाले तीन लाख उपलब्ध गराएका छन् ।
नेपाल पर्यटन बोर्डको आयोजनामा भएको कार्यक्रमको कोसी प्रदेशका मुख्यमन्त्री हिक्मत कार्कीले उद्घाटन गरेका थिए ।
_Poush 22_1736170149.jpg "#")
_1734253975.jpg "#")
