धरान/ नेकपा एमालेको आठौ जिल्ला अधिवेशनद्धारा निर्वाचित भएका सुनसरी जिल्ला अध्यक्ष निलम खनालको निधन भएको छ ।
प्याँक्रियाजको जटिल समस्याबाट लामो समयदेखि ग्रसित खनाललाई उपचारको लागि भारत लैजाने क्रममा निधन भएको जनाइएको छ ।
उपचारको लागि भारतको हैदरावाद जाने क्रममा तेलंगना राज्यको कागजनगर पुग्दा अध्यक्ष खनालको निधन भएको पुष्टि एमाले नेता मुरारी सुवेदीले फेसबुकमार्फत गरेका छन् ।
खनाल यही जेठ पहिलो साता इटहरीमा सम्पन्न एमालेको ८ औं अधिवेशनबाट जिल्ला अध्यक्षमा निवार्चित भएका हुन् ।
खनाल सपथ ग्रहण पश्चात कार्यवाहक दिएर उपचारको लागि भारत तर्फ प्रस्थान गरेका थिए ।
उनको अध्यक्षतामा एक पटक मात्रै पदाधिकारी बैठक बसेको छ मृतक खनाललाई आज नै नेपाल ल्याउने तयारी रहेको परिवारले जनाएको छ ।
