इलाम/ नेकपा एमालेका अध्यक्ष केपी शर्मा ओलीले अब इलामको विकासको जिम्मा सुहाङले गर्ने बताएका छन ।
इलाम २ मा आयोजित विजय सभालाई मंगलबार सम्बोधन गर्दै ओलीले इलामको विकासको जिम्मा सुहाङले र सुहाङको जिम्मा म लिने बताए ।
सुहाङले जितेसँगै यो जिल्ला अब सबै हिसाबले अगाडि बढेको बताए ।
ओलीले देशलाई आर्थिक रूपमा समृद्ध बनाउने एजेन्डा नेकपा एमालेसँग मात्रै भएको भन्दै ‘यो देशलाई सधैं गरिब राखिराख्ने छुट हामीलाई छैन उनले भने, मुलुकलाई आर्थिक रूपमा बलियो र समृद्ध बनाउने एजेन्डा एमालेसँग मात्रै छ ।’
उनले ओलीले कोशी प्रदेशको नामका विषयमा भएको आन्दोलन र विवाद आवश्यक नभएको बताए ।
कोशी प्रदेश सबैको साझा भएको भन्दै ‘हामी कयौं जात, कयौं धर्म, वर्ण, मिलेर बसेका छौं र यसरी नै समाज र देश बनेको छ ‘त्यसैले हामी सबैको पहिलो पहिचान नेपाल हो, नेपाली हो ।’ उनले भने, ‘हामी सबै नेपाली हो ।
पहिले पनि मेची, कोशी, बागमतीलगायत अञ्चल थिए । यसरी साझा नाम राख्दा कसैलाई हेपेको हुँदैन । कसैको पहिचान मेटेको हुँदैन ।
