धरान/ धनकुटामा सम्पन्न साँतौ खादल सिंहदेवी गोल्डकपमा धरानको पानबारी फुटवल क्लवले उपाधी जित्न सफल भएको छ ।
हिजो सम्पन्न भएको फाइनल खेलमा पानबारी फुटवल क्लबले फाक्सीप क्लब धनकुटालाई हराउँदै उपाधी जित्न सफल भएको हो ।
विजेता क्लवका अध्यक्ष भुपाल (कृष्ण कुमार) राईका अनुसार उक्त खेलमा क्लबले नगद १ लाख ११ हजार १ सय ११ रुपैयाँ,सिल्ड,र प्रमाण पत्र जित्न सफल वनेको छ ।
उप विजेता फाक्सीप क्लब धनकुटाले नगद ६६ हजार ६ सय ६६ रुपैया सहित प्रमाण पत्र प्राप्त गरेको छ ।
विजेता पानबारी फुटबल क्लवले ट्राईबेकर मार्फत उपाधी जित्न सफल वनेको हो ।
निर्धारित समय दुवै टिमले गोल गर्न नसेकेपछि भएको ट्राईबेकरमा पानबारी फुटबल क्लवले ४ –२ गोल अन्तरले उपाधी जित्न सफल भएको हो । ट्राईबेकरमा मिलन लिम्वू ,रोमन लिम्वू, सुनिल लिम्वू र दोर्जे तामाङले १-१ गोल गर्नु भएको थियो ।
खेलको वेस्ट अफ टुर्नामेण्ट अर्जुन लिम्वूले नगद ३ हजार सहित ट्रफि र प्रमाण पत्र , त्यसैगरि हाई स्कोर मिलन लिम्वू, वेस्ट मिड फिल्ड, वेस्ट डिफेन्स सुमित मगर र वेस्ट प्लेयर नविन भुजुल घोषित भई नगद दुइ हजार पाँच सय ट्रफि र प्रमाण पत्र प्राप्त गर्नु भएको छ ।
पानवारी फुटवल क्लव २०८० साल दर्ता भई खेल जगतको फुटबलमा खेलाडी उत्पादन र क्षमता विकासको लागि क्रियासशी रहेको छ ।
अन्तराष्ट्रिय स्तरको खेल भारतको दार्जिलिङ भएको खेलमा समेत सहभागिता जनाउँन सफल वनेको छ भने कोशी प्रदेश स्तरी गोल्ड कपमा समेत सहभागिता जनाउँदै आएको क्लवका अध्यक्ष राईले वताउनु भएको छ ।
उहाँले भन्नु भयो, “हामी फुटवलको खेलको विकासको लागि स्थानीय स्तरको खेलाडी उत्पादन गर्ने र राष्ट्रिय स्तरको खेलाडी उत्पादन गर्ने लक्ष्य लिएर अघि वढेको छौं । क्लवले यही वैशाख २२ गतेदेखि प्रथम पानबारी गोल्डकप फुटवलको आयोजना समेत गर्दैछ ।