धरान /धरान ११ कल्याणचौकमा रहेको भिक्टोरी रेसिडेन्सियल स्कुलले बार्षिकोत्सवको अवसर पारेर प्रोत्साहन स्वरुप विभिन्न विधामा उत्कृष्ट पुरस्कृत विद्यार्थीहरुलाई पुरस्कृत गरेको छ ।
स्कुलले शुक्रबार ३५ औं बार्षिकोत्सवको अवसर पारेर जुनियर र सिनियर कक्षाका कक्षामा टप ल्याउने विद्यार्थी,
आउट स्टेन्डिङ, हेड राइटिङ, सफा सुग्घरमा उत्कृष्ट हुने विद्यार्थीलाई प्रोत्साह स्वरुप पुरस्कृत गरेको हो ।
धरान उपमहानगरपालिका वडा नं ११ का वडाध्यक्ष लोकेन्द्र फागोको प्रमुख आतिथ्यमा सम्पन्न ३५ औं बार्षिकोत्सवको अवसरमा विभिन्न विद्यामा उत्कृष्ट हुने विद्यार्थीलाई पुरस्कृत गरिएको स्कुलका अध्यक्ष विनोदकुमार राईले बताए ।
राईका अनुसार, बार्षिक परीक्षामा उत्कृष्ट नम्बर ल्याएर टप बनेका सिनियर टपर बन्न सफल विद्यार्थी र जुनियरतर्फ बाट उत्कृष्ट नम्बर ल्याएर उत्तीण भएका विद्यार्थीलाई पुरस्कृत गरिएको हो ।
पढाइका अलवा स्कुलमा बर्षभरिमा सबैभन्दा बढी उपस्थित हुने विद्यार्थीहरुलाई पुरस्कृत गरिएको थियो ।
यसैगरी आउट स्टेन्डिङ विधामा पनि विद्यार्थीलाई पुरस्कृत गरिएको थियो ।
यसैगरी उत्कृष्ट हेन्ड राइटिङ विधामा पनि स्कुलले पुरस्कृत गरेको थियो ।
उनीहरुलाई प्रमुख अतिथि धरान ११ का वडाध्यक्ष लोकेन्द्र फागो, विद्यालय व्यवस्थापन समितिका अध्यक्ष विनोदकुमा राई, लगायतले पुरस्कार वितरण गरेका थिए ।
सो अवसरमा बोल्दै धरान ११ वडाध्यक्ष फागोले यो विद्यालय अन्य विद्यालयभन्दा पृथक भएको पाइएको बताए ।
नर्सरीदेखि कक्षा १० सम्म पढाइ हुने यो विद्यालयले पढाईसँगै अतिरिक्त क्रियाकलापमा समेत अगाडि रहेकोे बताए ।
उनले विद्यार्थीलाई प्रोत्साहन गर्न कक्षा टपदेखि अन्य विधामा पुरस्कृत गरेर विद्यार्थीहरुको हौसला बढाउने काम गरेको बताए ।
तस्बिरहरू :