मोरङ/ बिराटनगर ९ मा संचालित बिराट क्याम्पस बिराटनगरले रंगेली ३ बाबु साहेब टोलमा भएको आगलागीबाट पीडित भएका बिधार्थीहरुको लागी राहत सहयोग स्वरुप नगद हस्तान्तरण गरेको छ ।
सहयोग नेपाल राष्ट्रिय शिक्षक संगठन रंगेली नगर समितिका सहयोगी अभियान्ता तथा समितिका नगर सचिव हर्क बहादुर पौडेललाइ जिम्मा लगाएको छ।
कलेजले समाज प्रतिको उत्तरदायित्व पनि बहन गर्नु पर्छ भन्ने सोचको साथमा यसरी बिपतमा परेका बिधार्थी तथा परिवारहरु लाइ राहत प्रदान गरेको कलेजका संचालक तथा सहायक क्याम्पस प्रमुख रोशन घिमिरेले बताए ।
यस्तो बिपदको अवस्थामा पाएको सहयोगले पिडितलाइ ठुलो राहत मिल्ने कुरा नगर सचिव पौडेलले बताए।
शनिबार दिउसो बिधुत्तिय तारबाट फैलिएको आगोले बाबुसाहेब टोलका २० घर जलेर नष्ट हुदा २८ परिबारका एक सय १८ जना विस्थापित भएको जनाइएको छ ।
