_1693980289.gif "#")
धरान/ शनिबार धरान र यसवरपरका कवि–साहित्यकारहरूको विशेष जमघट भएको थियो ।
यस्तो जमघटको चाँजोपाँजो मिलाएको थियो, कलरव धरानले । फरक शैलीमा छरितो ढङ्गले अर्थपूर्ण कार्यक्रम गर्ने साहित्यिक संस्थाको परिचय बनाएको कलरवले कवि इन्दु नेपाल योन्जनको नवीन काव्यकृति ‘अन्तिम सेलो’ बारे वार्ताको कार्यक्रम आयोजना गरेको थियो ।
वार्तामा सहभागी वरिष्ठ कवि बम देवान तथा डा अस्मिता विष्टले तामाङ समुदायका संस्कृति र मिथकको प्रयोग नै कवि इन्दुका कविताको शक्ति भएको धारणा राखेका थिए । उनका अधिकांश कविताहरूमा दार्शनिक भाव रहेको धारणा वार्ताकारहरूको थियो ।
वार्तामा सहभागी हुँदै कवि इन्दुले विभिन्न कोणबाट पछाडि पारिएका समुदायको चेतनालाई उन्नत बनाउनु आवश्यक रहेको धारणा राखेका थिए ।
आप्mना कविताहरू त्यसतर्पmको एउटा सानो प्रयास भएको उनको भनाइ थियो । त्यस क्रममा उनले आप्mना कविता पनि प्रस्तुत गरेका थिए ।
वार्ताको सहजीकरण अर्का कवि चन्द्र गुरुङले गरेका थिए । त्यसअगि कविहरू करुणा राई, हेमन यात्री, विशाल नाल्बोलगायतले ‘अन्तिम सेलो’ कविता सङ्ग्रहमा रहेका कविताहरू वाचन गरेका थिए ।
कार्यक्रमको सुरुमा कवि इन्दुको ‘दृश्य–परिचय’ र ‘दृश्य–कविता’ प्रस्तुत गरिएका थिए । यी दुवै सामग्रीको निर्देशन बिरेन सुब्बाले गरेका हुन् ।
