_1693980289.gif "#")
धरान/धरान उपमहानगर पालिका १५ नम्बर वडावासीहरुले भालुखोला सेउती खोलाको पानि आफ्नो वडामा वितरण बन्द गर्न माग गरेका छन् ।
जनप्रतिनिधि सहित धरान उपमहानगर पुगेको स्थानियलले मेयर हर्क साम्पाङलाई भालु खोला र सेउती खोलाको पानि खान योग्य नरहेको भन्दै वडामा वितरण बन्द गर्न माग गरेका हुन् ।
उनीहरुले मंगलबार खानेपानी बोर्डका अध्यक्षसमेत रहेका मेयर साम्पाङलाई भेटेर दुवै खोलावाट टिटमेन्ट विना सिधै खोलाको पानि वितरण भइरहेकोले तत्तकाल वितरण बन्द गर्न लिखित माग पत्र समेत बुझाएका छन् ।
मेयर साम्पाङले श्रमदानमार्फत ल्याएको भालु खोला र सेउतीको मुहानको ठिक उत्तरतर्फको डाँडामा छाला प्रशोधन उद्योगसँगै वंगुर र कुखुरा फर्मसमेत सञ्चालनमा रहेका छन् ।
ती फर्महरुको फोहोर बर्षामा बगेर भालु खोला र सेउती खोलामा मिसिएर पिउने पानीको स्रोत दुषित हुने र महामारी हुने जोखिम रहेको भन्दै वडा १५ बासीले उक्त स्रोतको पानी वितरण बन्द गर्न माग गरेका हुन् ।
साविकमा झैं धरान १४ मा रहेको खानेपानी बोर्डको विजयपुर सबसिस्टमबाट पानी वितरण गर्न धरान उपहानगरपालिका १५ नं. वडा समितिका अध्यक्ष नरेश इवारामले मेयर समक्ष माग गरे ।
मेयर साम्पाङले भालु खोला र सेउती खोलाको पानी संकलन गरेर धन्यवाद ट्यांकीमार्फत वडा १५ लाई वितरण गरिरहेका छन् ।
यो स्रोत उपयोग गर्नुअघि वडा १५ लाई विजयपुर सब सिस्टमबाट पानी वितरण भइरहेको थियो ।
भालु खोला र सेउतीको मुहान खुल्ला बगिरहेको खोलामा सिधै पोलिथिनको पाइप असुरक्षित तरिकाले ल्याएको भन्दै वडाबासीहरुले असन्तुष्टी पनि जनाएका छन् ।
मेयर साम्पाङले भने तत्काल केही गर्न नसकिने जवाफ फर्काएका छन् । उनले भन्न सजिलो तर गर्न गारो रहेको वताएका छन् ।
धरान १५ वासीले प्रयोग गर्दै आएको पानिको मुहान रहेको खोलामा धरान बजारदेखि नुहाउन जाने, वनभोज खानलेले कुखुरा, खसी लगायतका मासु खाएर हड्डी लगायत फोहोर समेत भएकोे पानि समेत आफुहरु पिउन बाध्य रहेको स्थानीयहरुको भनाई छ ।
सुद्धिकरण नगरी धरान खानेपानिवोर्डले पानि विरतरण गर्दा ‘फिकल कोलिफर्म’ युक्त पानि धरान वासीले खाईहेका छन् ।
केही दिन अगाडी गरिएको परिक्षणमा धरानमा वोर्डले वितरण गरिरहेको पानीमा ५ देखि ३५ युटिनसम्म सम्म ‘फिकल कोलिफम भेटिएको थियो
