धरान/ धरान-१२ को मेघा हिमालयन कलेजले कक्षा ११ मा नयाँ भर्नाका लागि शुक्रबार प्रवेश परीक्षा लिएको छ ।
२०७९ को माध्यमिक शिक्षा परीक्षा (एसईई) उत्तीर्ण गरेका विद्यार्थीहरू परीक्षामा सहभागी भएका थिए ।
परीक्षामा ४५० भन्दा बढी विद्यार्थी सम्मिलित भएको कलेजका एकेडेमीक डाइरेक्टर अर्जुन घिमिरेले जानकारी दिए ।
गुणस्तरीय शिक्षासँगै अतिरिक्त क्रियाकलापमा पनि उत्तिकै ध्यान दिने भएकोले पछिल्ला वर्षहरूमा विद्यार्थी र अभिभावकहरूको पहिलो रोजाइ मेघा हिमालयन नै हुने गरेको कलेजका प्रिन्सिपल भाष्कर पौड्यालको भनाइ छ ।
शुक्रबारको प्रवेश परीक्षामा पनि प्रदेशका विभिन्न जिल्लाबाट विद्यार्थीहरू सहभागी भएका थिए ।
मेघा कलेजमा प्योर साइन्सका साथै कम्प्युटर साइन्स तथा म्यानेजमेन्टअन्तर्गत होटल म्यानेजमेन्ट एवम् ट्राभल एन्ड टुरिजम,
कानुन विषय पनि पठनपाठन हुने गरेको छ ।
विद्यार्थीहरूको स्वास्थ्यलाई ध्यानमा राख्दै कलेजले स्वास्थ्यकर्मीसहितको उपचार कक्ष पनि निर्माण गरेको छ ।
यस उमेरमा विभिन्न शारीरिक र मानसिक समस्या देखिने भएको हुँदा उचित उपचार र परामर्शका लागि यस्तो व्यवस्था गरिएको अध्यक्ष कैलाश सुब्बाले जनाए ।
